Los Angeles Lakers – No. 2 | |
Posición | Ala / Ala-pivote |
---|---|
Información persoal | |
Nacemento | 3 de abril de 1999 (25 anos) Houston, Texas |
Nacionalidade | Estados Unidos |
Altura | 2,03 m (6 ft 8 in) |
Peso oficial | 97 kg (214 lb) |
Información da carreira | |
Instituto | Victory Prep (Houston, Texas) |
Universidade | Kentucky (2017–2018) |
NBA Draft | 2018 / Rolda: 2 / Elección: 41 Por Orlando Magic |
Carreira | dende 2018 |
Historial de equipos | |
Denver Nuggets (2018–2020) → Delaware Blue Coats (2019) → Rio Grande Valley Vipers (2019) → Windy City Bulls (2020) Minnesota Timberwolves (2020–2022) → Iowa Wolves (2020) Utah Jazz (2022–2023) Los Angeles Lakers (2023–presente) |
Jarred Jakobi Vanderbilt, nado o 3 de abril de 1999 en Houston, Texas, é un xogador profesional estadounidense de baloncesto que xoga nos Los Angeles Lakers da National Basketball Association (NBA). Con 2,06 metros de estatura xoga nas posicións de ala e ala-pivote.
O 21 de xuño de 2018, Vanderbilt foi seleccionado polos Orlando Magic na 41ª posición do Draft da NBA de 2018, e foi traspasado ós Denver Nuggets.[1][2] O 11 de xullo de 2018, Vanderbilt asinou cos Nuggets.[3] Debutou na NBA o 25 de xaneiro de 2019 na vitoria de Denver por 132-95 contra os Phoenix Suns, xogando catro minutos e facendo un punto, tres rebotes e unha asistencia.[4]
O 5 de febreiro de 2020, Vanderbilt foi traspasado ós Minnesota Timberwolves nun traspaso entre catro equipos.[5]
O 6 de xullo de 2022, Vanderbilt foi traspasado ós Utah Jazz xunto a Patrick Beverley, Malik Beasley, Leandro Bolmaro, e os dereitos do Draft de Walker Kessler, ademais de catro elección da primeira rolda do Draft e un intercambio de eleccións da primeira rolda do Draft de 2026, a cambio de Rudy Gobert.[6]
O 9 de febreiro de 2023, os Lakers traspasaron a Vanderbilt nun traspaso entre tres equipos no que tamén participaron os Minnesota Timberwolves.[7] Debutou cos Lakers dous días máis tarde, facendo 12 puntos, 8 rebotes e 4 asistencias na vitoria dos Lakers por 109–103 contra os Golden State Warriors.[8]