ZE
|
Quésta pàgina a l'é scrîta in léngoa zenéize
 A Grafîa adeuviâ a l'é quélla de l'Académia Ligùstica do Brénno |
I Sensasciou són stæti 'n grùppo muxicâle in léngoa lìgure do génere world music, formòu da-o trîo do cantànte Bob Quadrelli, de l'Alberto "Bobby Soul" De Benedetti e do Renato Rassi, fondòu a Zêna do 1992[1][2].
O grùppo zenéize, creòu do 1992, o l'à publicòu tréi ànni dòppo o sò prìmmo dìsco co-a CNI, intitolòu In Scio Bleu e caraterizòu da 'n stîle reggae mescciòu a-e sonoritæ da tradiçión lìgure do tralalêro[3], sorvenominòu da-o grùppo trallamuffin'[2], crâxi de raggamuffin e de tralalêro[4]. Do 1996 o grùppo o s'é desfòu 'na prìmma vòtta pe di contràsti tra i sò conponénti, che però són tornæ insémme zà inte l'ànno dòppo, quànde l'é sciortîo o nêuvo dìsco Generazione con la X. Sto chi o ségna o moménto de màscimo sucèsso di Sensasciou, tànto da fâghe goâgnâ o Prémio Ténco de categorîa pò-u 1997[2][5].
A despêto de l'inportànte riconosciménto, pe problêmi de salûte l'ativitæ di Sensasciou a finìsce pe amermâse inti ànni de dòppo, con Na Bunn-a Sperlengheuja, tèrso e ùrtimo dìsco inandiòu do 2002, ch'o sciòrte do 2004[2].