ZE
|
Quésta pàgina a l'é scrîta in léngoa zenéize
![]() A Grafîa adeuviâ a l'é quélla de l'Académia Ligùstica do Brénno |
Figon † Figoun | |
---|---|
Parlòu in | ![]() |
Parlòu in | ![]() (Biot, Vallauris, Escragnolles e Mons) |
Perîodo | 1470~1920 |
Parlànti | |
Clasìfica | estìnta |
Clasificaçión | |
Filogénezi | Léngoe indoeoropêe Itàliche Romànze Romànze òcidentâli Gàllo-Itàliche Lìgure Lìgure coloniâle Figon |
O dialétto figon (in figon: figoun) o l'é stæto 'n dialétto da léngoa lìgure parlòu inte çèrtidùn localitæ da Provénsa fra o XV e o XX secolo[1].
Into Medioêvo, a caoza di contìnoe incurscioìn di Saracìn ch’abitâvan in mòddo stàbile inta bâze de Frascinêto (ancheu La Garde-Freinet), liberâ dòppo ’n’açión di lìguri e di provensæ mìssi insémme a-a fìn do sécolo X, ’na gròssa pàrte de zöne da costêa da Provénsa a l'êa do tùtto sénsa abitànti.
Coscì, tra o XV e o XVI sécolo, i feodatâi do pòsto àn decîzo de popolâ tórna l’àrea tra Cannes e Grasse con génte ch’a ne vegnîva da-a diòcexi d’Arbénga-Inpêia e quélla de Vintimìggia, che alôa fâvan za pàrte da Repùblica de Zêna. In particolâre i prìmmi emigrànti (ciù ò mêno ’na vinténn-a de famìgge) se són stabilîi a Mons pe pöi stabilîse, a caxón da fòrte créscita demogràfica, a Escragnolles ascì, a comensâ da-o 1562.
I agricoltoî lìguri se són stabilîi sorviatùtto inti céntri de Biot, Vallauris, Escragnolles e Mons, ch'ancheu fàn pàrte di dipartiménti de Àrpi Marìtime e do Vâo, portando con liâtri a lô léngoa. Parlâte che duiàn pe dötréi sécoli, a-o mànco a Mons, dónde se testimònia a prezénsa do dialétto figón scinn-a-i ànni vìnti do Nêuveçénto[2].
Figon | Zenéize |
---|---|
nautri | niâtri |
mar | mâ |
Un di pöchi scrîti in figon, E doue Bessoune de Pons Rebuffel o l'à 'na grafîa françeixizante[3].