Ny Vatravatra dia iray amin'ireo volana malagasy mitondra anarana avy amin'ny teny sanskrita. Ny Asotry no eo alohany ary ny Hatsiha no eo aoriany. Na dia mampiasa teny mitovy na mitovitovy aza ny isam-paritra dia mety samihafa ny fari-potoana ao amin'ny taona tondroina amin'io teny io arakaraka ny faritra eto Madagasikara. Araka an'i Jaovelo-Djao dia misy manao hevitenim-bahoaka ka mandika ny hoe Vatravatra amin'ny Adaoro merina; volan'ny orambaratra ny Vatravatra[1]. Volana voalohany ny Vatravatra amin'ny Antesaka sy ny Antanosy, faha-12 amin'ny Bara, fafa-2 amin'ny Bezanozano, faha-11 amin'ny Sihanaka (Rakotosaona, 1972)[2].